الرئيسية
من طرف 
كحك العيد
أحبائي هذه المقادير مظبوطة جداً ودي مقاديري وأنا من مشاهير صانعي الكحك
كحك العيد
كحك العيد من اهم الاصناف اللى بنعملها احتفالا
بعيد الفطر
وعند الكثيرين بيعملوة ايضا فى الاعراس
ويبقى اسمه كحك العروسه
احتفالا بالزواج كنوع من التقاليد المتوارثه
كحك العيد
فى اذواق
فى ناس بتحبه نااااعم
ناس بتحبه مضبوط يعنى وسط لا ناعم ولا خشن
وفى ناس بتحبه خشن
هاتكلم عن
كحك العيد المضبوط
المقادير
1 كيلو دقيق -نصف كيلو سمن (بلدى او
سمن صفراء من نوع فاخر)- 2 ملعقه شاى خميرة فوريه - نصف ملعقه صغيرة سكر
-ملعقه طعام سمسم(محمص نصف تحميص) - ذرة ملح -1 كوب ماء دافىء للعجن (فقط)-
ملعقه طعام روح الكحك او روح الورد
مكسرات حسب الرغبه
الطريقه
ننخل الدقيق مرتين ومعه ذرة ملح
نضعه فى وعاء ويفضل ان يكون بايركس
نعمل حفرة فى وسط الدقيق ونضع فيها السمسم
نضع السمن فى وعاء نظيف على النار ونقدحها
وفى هذا الرابط تكنيك السمن المقدوح
بعد ان يقدح السمن جيدا حسب الطريقه الموحجودة فى الرابط
نصب السمن فى الحفرة وسط الدقيق ونبدا نقلب عليها الدقيق من كل جانب بملعقه خشبيه(حتى لا تسود العجينه ) حتى يختلط الدقيق بالسمن ويتشربه جيدا
طبعا حطينا السمسم نصف تحميص لانه هايكمل تحميصه لما نصب عليه السمن المقدوح
نتاكد ان الدقيق تشرب كل السمن جيدا
نترك الخليط يبرد تماما
ودى خطوة مهمه جدا لانجاح الكحك
نذوب الخميرة فى ربع كوب ماء(من الكوب اللى فى المقادير) + نصف ملعقه السكر ونتركها تخمر الى ان يتضاعف حجمها
بعد ما العجينه تبرد تماما نبدا فى خطوة مهمه جدا للحصول على القوام المطلوب للكحك
التبسيس
التبسيس يعنى دعك العجينه على اليد
ازاى
هاناخد جزء جزء من العجينه ندعكه على باطن الكف ونكرر العمليه فى العجينه كلها عدة مرات( وخليكى صبورة شويه)لان النتيجه تستحق .....
الخطوة دى مهمه جدا فى زيادة تشرب وتداخل السمن داخل الدقيق ومهمه ايضا ليظهر قوام الكعك فى النهايه مضبوط
خلصنا تبسيس
نبدا نعجن
نضيف الخميرة وروح الكحك او الورد وثلاث ارباع كميه الماء ونعجن
العجن بيكون له طريقه
يعنى مش زى ما بنعجن المعجنات لا
نبدا ناخد من اطراف العجينه ونقلبه على الداخل ونضغط بكف اليد وهى مكورة (تكورى كف يدك يعنى)
وهكذا من كل جوانب العجينه
هانلاقى العجينه بدات تتلم معانا وتتجانس ولونها يبقى فاتح وناعمه
نضيف الماء قليلا قليلا حسب نوع
الدقيق ونكمل عجن الى ان تتكون معك عجينه ناعمه لا تلتصق باليد او الاناء
ومتجانسه القوام ولونها فاتح
لكن لا تزودى ابدا عن كوب واحد من الماء الدافىء
والا .......الكحك هايطلع نااااااشف زى القرص(انا قلت اهه)
نغطى العجينه ونتركها تخمر لمدة ساعه
الحشو
فى 3 حشوات
1 - الملبن
ملبن + ملعقتين طعام زبدة + سمسم محمص + نصف ملعقه شاى روح الورد او فصين مستكه مطحونين مع ربع ملعقه سكر (حسب النكهه المفضله عندك)
يعجن الملبن بالمكونات السابقه ويشكل على شكل كرات صغيرة بحجم مناسب للحشو
2- العجميه
ملعقه طعام دقيق -ملعقه طعام سمن -كوب عسل نحل - ملعقه طعام سمسم -ماء ورد او مستكه مطحونه للنكهه( حسب الذوق)
نسخن السمن على النار ونقلب فيها الدقيق بحيث لا يتغير لونه(زى ما بنعمل للبشاميل)ونضع معه السمسم يتحمص
بدون ماياخد لون
نضيف العسل ونبدا نقلب على النار حتى لا يكون تكتلات
نقلب الى ان يتقل قوامه قليلا على النار
ننزله على النار ونضيف روح الورد او المستكه المطحونه
يشكل كرات صغيرة مناسبه للحشو
3- العجوة
تفصص العجوة وتفرم ويضاف لها ملعقتين طعاه زبدة + نصف ملعقه صغيرة قرفه + سمسم محمص
تعجن مع بعضها
تشكرات مناسبه للحشو
بعد ماخمرت العجينه
نبدا ناخد منها قطعه بحجم البيضه مثلا او اقل قليلا
ننعمها باليد ونفردها على الكف
نضع فيها الحشوالمطلوب والمكسرات ونقفل العجينه
نكور القطعه بين الكفين مرة اخرى ونحرص ان يكون قفل العجينه لتححت
ننقش الكحكه بالمنقاش بطريقه مرتبه
نضعه فى صوانى الخبز على مسافات متباعدة ونتركه يخمرنصف ساعه او اقل حسب حرارة الجو
يخبز فى فرن 200
لمدة 25 دقيقه او اكثر على حسب حجم الوحدات
الى ان ينضج
اتركيه يبرد
عند التقديم يرش عليه سكر بودرة
نصائح هامة جداً
احترامنا للتكنيك...!!!!
السمن المقدوح
بعض الوصفات تحتاج ان يكون السمن مقدوح
مثل : كعك العيد و القرص المصريه ...و .... و
الغرض من قدح السمن هو
تسويه الدقيق من سخونه السمن وتحميصه
وكذلك اطاله العمر الافتراضى للكعك والقرص مقارنه بالنواع الاخرى من البسكويتات اللى بيستخدم فيها السمن نىء او الزبد
لو السمن كان مقدوح جدا واتحرق وعجنتى بيه
لون العجينه هايكون مش حلو -طعمها سىء ويسبب حرقان وحموضه بعد اكلها
لو السمن كان لسه نىء ومش مقدوح كويس
طعم الدقيق هايكون نىء فى العجينه وطعمها النهائى مش حلو
التكنيك ....التكه الفنيه
ضعى مقدار السمن فى وعاء ومعه قطعه خبز شامى وابداى سخنى السمن على نار متوسطه حتى لا يحترق السمن بسرعه
انتظرى الى ان تحمر قطعه الخبز جيدا ...انشليها من السمن ....بكدة يبقى السمن اتقدح كويس
اضيفيه بسرعه على الدقيق وقلبى من كل الجهات(بملعقه خشب....حتى لا يسود لون العجينه) واتاكدى ان كل الدقيق اتشرب السمن
الف هنا
