leave_me_alone على كرسى الاعتراف

أنا أسمي أحمد في الفرقه الأولي للمعهد العالي أوي أوي أوي للحاسب الألي ونظم المعلومات وبصراحه أنا متشرف بوجودي معاكم في المنتدي التحفه ده مع الأداره الهايله دي أصدي عليك أنت يا جداوي ده أنا زعلان منك زعل بقي يا راجل تجيب لكله كرسي وأنا لا أه مهي كوسه بأه أنا بقي عملت حسابي جبت الكرسي معايا



وأدي الكرسي يا برنس طبعا حلو شكرا شكرا نخش علي الأسئله بأه أظن أني جاوبت علي أول سؤال الأسم



السن يا سيدي أنا مواليد 1991برج العقرب وعقرب يعني حاسب من لدغتي هه أنا بهزر يا جماعه



البلد أنا من مواليد أيطاليا تحديدا ميلان والأن أعيش في مصر في الأسكندريه بميامي



المهنه مهندس كمبيوتر مبتدئ سوفت وير وهارد وير وشبكات ده طبعا بجانب أني طالب



الهدف في حياتي أني أخلص مده دراستي علي خير ودايركت من غير أي أعطال وألاقي بنت الحلال اللي أشوف فيها أنها هي دي والوحيده اللي تقدر تقف جنبي في محنتي وشدتي وأقدر أعتمد عليها في يوم من الأيام وأسيبلها مسئوليه كامله وأبقي مطمن عليها معاها.



حلمي في الحياه ده طبعا بعد ملاقي بنت الحلال وبتحفيزها ليا أن شاء الله أعمل شركه كبيره أنافس بيها شركه ميكروسوفت وأبقي مشهور وأسافر وألف العالم كله مش لوحدي ها وأني أربي أولادي تربيه سليمه 100% وأني أعرفهم كل حاجه في الحياه علشان لما حد يجي ويسأل حد منهم في حاجه يجاوبوه ميبقوش زي طور الله في برسيمه كده مش عارفين حاجه في اللي بيحصل حوليهم يعني من الأخر أني عايز أكون أسره مميزه ومتكامله وفي نفس الوقت بسيطه مش معقده ومهم جدا أني أربي الطموح عند أطفالي.



الموقف المحرج يا سيدي اللي حصلي في حياتي ولا يمكن أنساه أن في واحده أعرفها أوي أعرفها أيه دي هي كانت أنا يعني كنا أحنا الأتنين واحد كنا من الأخر في قمه الحب (الحب الصادق)أوعي تروح لبعيد الكلام ده أستمر 3 سنين وفي الأخر كنا خارجين أنا وصحابي وهي وصاحباتها فبيكلموها وكله عارف اللي مابينا وبيقولوها أيه أخبار (البرنس معاكي) اللي هو أنا يعني فقالتلهم هو يقربلي أيه أصلا علشان أقولكم أخباره مفيش بيني وبينه حاجه أصلا عارف أنت الجرح جرح أيه ده أنا قلبي حسيت أن هو أتشال من مكانه وأتهرس كده والله العظيم وعزه جلال الله المره الوحيده اللي عيطت فيها كانت المره دي وعلشان مين علشان واحد متستاهلش بس بقي عشان حعيط والله.



أحسن سنه كانت حلوه بالنسبالي كانت سنه 2003 أو 2004 مش فاكر علشان بابا كان مسافر بقاله 3 سنين ورجع في السنه دي بصراحه دي أحلي سنه بالنسبالي.

الأهم الكرامه طبعا علشان أنا أتعلمت في يوم أن الحب مش مهم الأنسانه الوحيده اللي حبيتها وقدرتها مقدرتنيش يبقي أنا كمان مش حقدر الحب تاني وعلي فكره من لم يراني نورا في عينيه لا أراه ترابا تحت قدمي أياميها كان الجب أولا وأخيرا دلوقتي الكرامه أولا وبصراحه مش عايز أتجرح تاني.

وشكرا يا باشا علي البرنامج الظريف ده وبصراحه حاجه روعه.

بعد السلام والتحيه وفرحتي بالصحبه ديا وكمان خوفي ورعبي من الأسئله ديا أنا عايز أقولكم أد أيه أنا فرحان علشان لقيت ناس زيكم بصراحه نبدأ الأجابه بسم الله ماشاء الله أنا شايف الأسئله ياما وأصعب من أسئله الأمتحان

والله كانت شوره سوده يوم مأستضافني الجداوي علي كرسي الأعتراف ده الكرسي أتبهدل وحالته بقت بالبله.



أول حاجه نبدأ بأسئله عصفوره المنتدي Bird forumهي أسئله قاسيه شويه بس ماشي نبدأ بأسم الله

صفه فيا أحبها وصفه فيا أكرها

الصفه اللي أحبها الطيبه واللي أكرهها الطيبه زياده عن اللزوم

أكثر شئ يخوفني

الحب علشان بكون خايف من جرحه طبعا عارفين ليه

أفضل مكان بتردد أليه

هم مكانين المسجد علشان بحس فيه بالأمان اللي ملهوش حدود واللي مقدرش أوصفه

والسيبر علشان بشوف زمايلي فيه وأكتر مكان بضحك فيه وبحس أن قلبي مفتوح

شخص أحتاج قربه الأن مني

سوري بليز أنا مش حقدر أحل السؤال ده عشان بجد أنا مش قادر

أيه القسوه دي يا عصفوره الواحد ماصدق أنه نسي

رأئي في البعيد عن العين بعيد عن القلب

رأئي أنه خطأ تماما لأن القلب مفيش شئ بيبعد هنه حد الا عدم الأحساس وأكيد اللي عنده قلب عنده أحساس ولا أيه؟ده غير البعيد عن العين اللي أنت بتتمني أنك تشوفه ده طبعا راجع للأحساس بالوحده برضو الأحساس.

الملل من كواذب الأخلاق

السؤال ده أنا مش فاهمه

رأئي في أن الحب كالحرب من السهل أن أبدأها ومن الصعب أن أنهيها

ده طبعا قمه الصح ليه بأه علشان الحب في أوله حلو يعتبر أحلي حاجه في الدنيا أسئلي مجرب سهل أبدأه

وسهل أنهيه بس الصعب أني أنسي جرحه.صح معايا في رأئي ولا ليكي رأئ تاني لو ليكي رأئ تاني ممكن أعرفه؟

دعوه صادقه

يا رب ميوقعك في واحد زيك

أهديها لحبي الوحيد

وعيب عليكي أنك تقولي أنك دايقتيني ده أنا بحب أفضفض وفرصه سعيده يا.......(عصفوره)

The name of God the Merciful

أهلا يا هاني يا بتاع السؤالين يا راجل كنت زودهم شويه دول قليلين خالص يتحلو في دقيقتين

أنا بهزر معاك يا برنس أسألتك علي عيني وراسي نبدأ الأجابه

مثلي الأعلي

كريستيانو رونالدو علشان دايما رافع راسه مش مزلول كسبان أو خسران

رأيي في الرومانسية في هذا العصر

والله الرومانسيه مفيش أحلي منها بس مش عشان حي حلوه نزود فيها لا بص يا برنس كل ماتزيد حلاوه الحاجه كل مايزيد خوفك منها خدها مني كلمه يا برنس علشان لو دخلت في عمقها مش حتقدر تطلع منها ولوطلعت منها مش حتقد تنساها ولو نسيتها جرحك حيفكرك ولو مفكركش يبقي معندكش أحساس أنا مش قصدي عليك علي فكره أنا بس بديك مثال متزعلش مني.

الشخص الذي ساندني في بدايتي داخل المنتدي

النجم المتألق دائما في سماء النجاح محمد الجداوي أد مبحبه علشان دخلني في الشله الحلوه والمنتدي الجميل ده أد مانا عايز أمسكه أخنقه علشان المصيبه ياللي حطها علي دماغي دي (كرسي الأعتراف) بصراحه أنتوا شله لذيذه جدا وخساره أني أسيبكم.

الأشخاص الذين يكون لهم مني أحترام في المنتدي

محمد الجداوي وعصفره المنتدي وكاتو ومحمد المصري ومين تاني تفتكر أني ناسي حد تاني يا برنس ههههههههه وأنت كمان طبعا يا برنس أنا بهزر خلي بالك أنا بحب أهزر علي طول لو يزعلك قولي.

في الحياه العامه بابا وماما يديهم ربي طوله العمر وحسن نصر الله وأبو تريكه ومنويل جوزيه حلوين دول؟

لماذا ترتفع أسعار الطماطم في فصل الصيف؟

علشان السلطه يا برنس واخد بال حضرتك لما يجي الصيف السمك بيكتر وبتلاقيه لما تروح تصطاد ياما وتنقي بقه بس أنت حتاكل سمك لوحده؟ لا طبعا لازم جنبه سلطه ومما تتكون السلطه من جرجير وبقدونس وكزبره وشبت وأحيانا جزر وخيار وطماطم هنا تتضح الأجابه سيدي القاضي ترتفع أسعار الطماطم في الصيف علشان السلطه وأنا أنشاء الله حعمل كتاب أسمه السلطه للجميع. ههههههههههههههههه

والله حلمي اللي بتمني أحققه

قولته قبل كده وهو أني أخلص مده دراستي علي خير ودايركت من غير أي أعطال وألاقي بنت الحلال اللي أشوف فيها أنها هي دي والوحيده اللي تقدر تقف جنبي في محنتي وشدتي وأقدر أعتمد عليها في يوم من الأيام وأسيبلها مسئوليه كامله وأبقي مطمن عليها معاها.

وأن شاء الله أعمل شركه كبيره أنافس بيها شركه ميكروسوفت وأبقي مشهور وأسافر وألف العالم كله مش لوحدي ها وأني أربي أولادي تربيه سليمه 100% وأني أعرفهم كل حاجه في الحياه علشان لما حد يجي ويسأل حد منهم في حاجه يجاوبوه ميبقوش زي طور الله في برسيمه كده مش عارفين حاجه في اللي بيحصل حوليهم يعني من الأخر أني عايز أكون أسره مميزه ومتكامله وفي نفس الوقت بسيطه مش معقده ومهم جدا أني أربي الطموح عند أطفالي.

أفقد أعصابي في أوقات محدده

مثلا أما حد ينرفزني وأما حد يعلي صوته عليا وأما حد يجادلني وهو غلطان وأما حد يطلعني كذاب وأكتر حاجه لما حد يخدعني

اللي ممكن يخليني أبكي

هي نفسي علشان بتصعب عليا بس مببينش دموعي لحد علشان محدش يفتكرها ضعف وببكي لما أتخدع.

أخر مره بكيت فيها من سنه أو سنه ونص علي حد ميستاهلش ولسه فاكر لحد دلوقتي.

أصل بص حتلاقيني دايما بتكلم عليها تعرف ليه؟علشان هي كانت أول حب عرف يقتحم أسوار قلبي ويخش جواه

فبتبقي صعبه أنك تنسي حد هزمك وهزم قوه قلبك صح؟أنا دلوقتي قلبي بلا أسوار أي لا يحميه أي شئ.

أحلي أكثر موقف ضحكت فيه

أني خدعت قبل كده عشره أو 15 من صحابي اللي حصل أني مكنتش حاسس أني عايز أهزر بص أنا ساكن في ميامي عند كوبري جمال عبد الناصر جنب البنزينه ركز هه المهم الناس دي كانت جيالي علشان نصور ورق قبل الأمتحان وكده يعني بس فأتصلوا بيا ألو أنتوا فين أحنا أتجمعنا أنت ساكن فين عشان نجيلك؟ قلتلهم عنواني زي مامكتوب بالضبط بس شويه أتصلوا أيه يا بني فينك أحنا عند البنزينه أهو قلتلهم فين يا جماعه مفيش حد طلعوا هم في سيدي بشر عند البنزينه قالوا أيه حنركب مشروع ونجيلك أنا مسمعتش الكلام ده وقلتلهم أنا راكب المشروع وجايلكم وهو مسمعنيش واخد بالك بس نزلت ركبت مشروع وهم ركبوا مشروع أنا وصلت عند بنزينه سيدي بشر وهم عند بنزينه ميامي وأتصلوا بيا أنت فين قلتلهم أنا في بنزينه سيدي بشر قالولي أستني أحنا جاينلك سمعتها أيه "أيه يا عم ده أحنا كنا جاينلك"ركبت مشروع وروحت بنزينه ميامي وهما راحوا عند سيدي بشر أتصلوا بيا أنت فين يا زفت والله كده قلتلهم أنا ركبت مشروع ورايح عند البنزينه بتاعه ميامي طبعا أنت عارف أكيد أيه كان رد فعلهم قالولي يحرق أم الورق علي اللي عايز الورق ويحرق أم الأمتحان دفعو 13 جنيه مواصلات في 3 ساعات ههههههههههههههههههههههههههههههههههههههههه وكل مافتكر أضحك.

أكتر موقف حزنت فيه

لما قلبي أتخدع علشان حب حب صادق مش تسليه .

مواصفات فتاه أحلامي

يكون متوافر فيها أنها تكون (صادقه-طيبه مش طيبه اللي يتضحك عليها –متفاهمه-عندها طموح-شايفاني في نظرها أن أنا الأنسان المناسب ليها مش أنا بس اللي أشوفها كده-رقيقه-بشوشه -صبوره-وعاقله)

الشخصيه اللي أتمني أتعرف عليها أكتر وأقرب منها

الرسول صلي الله عليه وسلم

الشخصيه اللي أتمني أني معرفهاش

اليهود عامه

أكثر رساله جاتلي وخلتني سعيد

يوم مجاتلي رساله الساعه 10.30 بليل ومكتوب فيها بوابه الحكومه الأليكترونيه تهنئك بنجاحك في الثانويه العامه بمجموع 96.4% ده صح وقتها كنت في قمه فرحي علشان حققت حلمي وحلم والدي ووالدتي.

أتمني لمنتدي الأحلام المزيد من التفوق والرقي والتلألأ في سماء النجاح والله منتدي ظريف وشخصيات جميله يعني بسم الله ماشاء الله عليه زي مابيقولوا كامل من مجاميعوا

الصفات اللي تجزبني للشخص اللي قدامي

يكون صادق وأمين ويحب يهزر ويضحك مش كئيب

الصفات اللي تبعدني عن اللي قدامي

يكون فشار وكذاب وبياع كلام وغشاش

اكتر شخص مقرب ليا وممكن أحكيله عن اى حاجه فى حياتي

ماما وبابا أحيانا

الحلم اللي حلمته ومتحققش لحد دلوقتي

هو أني ملاقتش الشخص المناسب اللي أرتبط بيه واللي أفتكرت أنه مناسب طلع مخادع

أكثر مكان بحب أروحه وبكون سعيد بتواجدي فيه

المسجد علشان بحس فيه بالأمان اللي ملهوش حدود واللي مقدرش أوصفه.

بحب التجمعات أكتر أهو منها أفضفض مع صحابي وأعرف مشاكلهم وأعرف حلول لمشاكلي بس بحب الوحده في أوقات محدده أكون مخنوق متضايق بس بحب الوحده في الحلات دي علشان الناس متشوفش واحد تاني غير اللي متعودين عليه ويزعلوا مني فهمت قصدي؟

لو أدامي هديه مقفوله أتمني يكون جواها تذكره حج لبيت الله أو مصحف.

المواصفات:

العصبيه:دكتور علاء عبد اللطيف الهدوء:عمرو خالد

النشاط:كريستيانو رونالدو الطيب:دكتور شوقي شعبان

اللزيز:عصفوره المنتدي المرح:هاني (تعرفه؟)

الحساس:قلبي الرومانسي:عبد الحليم حافظ

أكتر موضوع عجبني في المنتدي ده موضوع كرسي الأعتراف لمؤسس المنتدي الجداوي

عضو يعجبني أسلوبه محمد الجداوي وعصفوره المنتدي

عضو بحب واضيعه حتي لو قليله

عضو صعب التعامل معاه بصراحه ملقتش كلكم زي العسل

عضو من كلامه أحس أنه حساس عصفوره المنتدي

عضو عصبي أوي أوي أوي والله مفيش بقولك كلكم زي العسل

عضو كلامه بيضحك أوي

مجموعه الزهور الورده الحمراء أرسلها لشخص بحبه جدا لأنها تعبر عن الجمال والحب الملتهب وأقصد بها أحبك من كل قلبي الورده البيضاء:أرسلها لشخص عزيز جدا عليا وقريب مني لأنها تمثل النقاء والخصوصيه وأقصد بها أنت هديه من السماء الورده الصفراء:أرسلها لشخص بحبه جدا وهي تمثل السعاده والغيره في الحب وأقصد بها لن تكون لأحد غيري الورده البنفسجي:أرسلها لشخص فارقته وهي تدل علي الحب الحزين وأقصد بها مهما حدث سأظل أحبك.

الورده الحمراء أتمني يكون شايلها حد بيحبني بجد(لسه معرفش)

الورده البيضاء أتمني أن يكون شايلها الشخص الوحيد الودود بالنسبه لي واللي بحكيله علي كل حاجه(أيمن صديقي)

الورده الصفراء أتمني يكون شايلها حد يكون بيغير عليا(لسه معرفش)

الورده البنفسجي أتمني أن يكون شايلها شخص فارقني من أجل شخص أخر ميستاهلهوش (حبي الأول).

سيبك من موضوع الهديه ده حبقي أحلهولك بعدين لأن أجابته متوقفه علي حاجه متزعلش مني

الأغنيه اللي محبش أسمعها: يوم الوداع لجورج وسوف لأنها بتفكرني بحاجات مش عايز أفتكرها هو أنا فاكرها أينعم بس مش عايز أفتكرها أكتر

الفيلم الرومانسي المفضل لدي:Titanic علشان الأشخاص الصح لقوا بعض في الوقت الغلط ومع ذلك الحب أستمر لحد موت جاك وكمان بعد موته لو تفتكر أن اليلم أصلا هي اللي بتحكيه.

وعيب عليك لما تقولي كرهتني دي ده أنت زهقتني يا جدع أنا بهزر معاك متزعلش لا بجد الله ينور أسئله 100 100 بسم الله ماشاء الله بتعرف تعد سؤالين مش أكتر ومش عاوز تطول عليا كمان أمال لو كنت طولت كنت ححلهم أمتي دول؟ لا بجد 100 100 يا برنس ووحيات أمي لأستضيفك الأسبوع الجاي وحتشوف أسئلتي ههههههههههههههههههههههههههه باي يا جميل.

The name of God the Merciful

أزيك يا كاتو عامل أيه يا بوب

يارب تكون أسئلتك خفيفه زي مابتقول مش زي مانا فاكر هههههههههههههههههههه أسأل برحتك يا عم.

بسم الله نبدأ

أكثر حاجه عملتها وندمت عليها

أني حبيت بجد

أكثر حاجه بتفرحني في حياتي

أني أبدأحاجه وأخلصها وتنجح وتجذب أنظار الناس

أكثر حاجه بتضايقني في حياتي

أن حد يكدب عليا , يخدعني, يطلعني كذاب,يغشني,يجرحني

أكثر أسم بنت بحبه نور وأكثر أسم بكرهه ماهيتاب عشان أسم ملهوش لزمه ولا معني خالص والأسماء الجديده عامه اللي طالعنلي فيها .

حياتي الأن بسيطه طموحه خاليه من المشاكل خاليه من الحب وماشيه وربك يسهلها

شخصيتي مسالمه طيبه وحشه مع الوحش وحلوه مع الحلو متنساش أنا برج العقرب بس البرج مش مسيطر عليا وبحب الحياه وبحب الناس وبحب أضحك

بص يا صحبي الحياه مش حتقف علشان حد معين عادي شخص وأختفيأه حزعل عليه مش حقولك مش حزعل بس أهو الزعل حياخد وقت ويختفي وممكن يستمر للأبد بس الحياه حتمشي مش حتقف

أسف أني غيرت معني سؤالك يا برنس وبجد أسئلتك ظريفه وخفيفه جدا وميرسي كتير علي الأستضافه الجميله دي.بااااااااااااي.