الرئيسية
من طرف داليا الثلاثاء 31 أغسطس 2010, 11:44 am** طريقة عمل بفتيك انما ايه يجننننننن***
صباح او مساء الخير الأعزاء أنا هقولكو النهارده ازاي
تعملوا البفتيك بسرعة ويكون كمان طعمه تحفه يلا اكتبوا ورايا
المقادير:
نصف كيلو بفتيك- بصلة متوسطة مفرومة- ملح+فلفل
اسود- عصير ليمونة اوممكن نستبدله بملعقتين كبار خل-
2بيضة مضروبين وعليهم ملح وفلفل- بقسماط- زيت
للتحمير
الطريقة:
بصي يا ستي هتجيبي البفتيك وتغسليه كويس من الدم
بتاعه وبعدين تبتدي تدقيه بايد الهون عشان يسهل سواه
هتجيبي البصلة المفرومه وتحطي عليها الملح والفلفل
الأسود وعصير اللمونة أو زي ما اتفقنا معلقتين الخل لو مفيش ليمون
تحطي البفتيك في طبق كبير وتحطي عليه التتبيلة السابقة
ويضع في الثلاجة من ساعة الي ساعة ونصف
تطلعي البفتيك من الثلاجة وتحطي قطعة بفتيك في البيض
وبعدين في البقسماط لحد ما تخلص الكمية كلها
تجيبي طاسة وتحطيها علي النار وتحطي فيها شوية زيت
حلوين يعني مش حبة صغيرين ويفضل يكون زيت درة وتسيبيه يسخن جامد علي النار وبعدين تحطي البفتيك
ويراعي عند وضع البفتيك في الطاسة يكون علي نار هادئة عشان يستوي من جوه ومن بره
يوضع البفتيك علس كل وجه 10 دقايق علي نار متوسطة
حتي يتم نضجه ويحمر من الخارج
ينشل البفتيك من الزيت ويوضع علي ورق نشاف
يقدم مع المكرونة
أتمني أكون قلتلكم طريقة سهلة للبفتيك جربوها ومش هتندموا
