3 مشترك

من بلاوى جمعاوى : جمعاوى فى برنامج التوك شو

Ouzi: عضو مميز; عدد المساهمات : 204

مساهمة رقم 1

من بلاوى جمعاوى : جمعاوى فى برنامج التوك شو

مُساهمة من طرف Ouzi الجمعة 13 مارس 2009, 1:24 pm

جمعاوي فى التوك شو

كنت فى حالى عايش يومي وراضى ومبسوط .كل ده قبل ما يٍٍِِوُصَلنى الراجل بتاع البريد اللى للأسف اخد اتنين جنية بقشيش .مع انى محتاج الفلوس اكتر منه هو على الاقل شغال وبيقبض .وتلاقية بياخد من مصلحة البريد على الاقل 272 جنية ونص كل اول شهر .يعيشوه ملك .المهم اخدت منه الجواب اللى مش عارف جواه ايه .ربنا يستر لعله خير
يا ترى الجواب ابو اتنين جنية ده فيه ايه . انامش ناقص يكون جواب فصل من الكلية . بس ده هما حتى مرتاحيين منى لاانى مش بروح .. طب يفصلونى ليه . اما افتح واشوف .بسم الله
شكله غريب اوى زى مايكون مش جواب عادى انما شبه دعوة لفرح او ندوة .الله مش دى علامة القناة اياها بتاعة المذيع المشهور صاحب برنامج التوك شو الاشهر فى مصر .

نص الجواب

"سيد جمعاوى . نود اخباركم انه بعد بحث سجلات امن ال(جامعة) وقع الاختيار عليكم للحضور الى البرنامج لمناقشة اهم القضايا
العصرية التى تخص الشباب حاليا
و معرفة ما الذى يريده الشباب .ومحاولة الوصول الى حل. مع خالص الشكر
الموعد :.............
العنوان : ............
يسلم باليد للسيد جمعاوى

بعد ماقريت الجواب استغربت جدا. يا ترى عاوزينك فى ايه يا واد يا جمعاوى.مين اللى بلغ عنك . طب هيسألوك عن ايه وبعدين ده مزيع مش سهل دؤرم كمان ممكن يستفزك ولا يوقعك فى الكلام تلاقى نفسك تانى يوم فى اللومان سنتين تلاتة وحلنى بقى على ما يفتكروك.. ولا حد من بتوع حقوق الانسان يسمع عنك وتكون ساعتها بقيت شيب ااااوى مش جمعاوى.
وانت مش ناقص ده انت يدوب تخلص جيش وانت بتحتفل بعيد ميلادك التلاتين.بس جايز يدولك قرشين حلوين
الموضوع ده وانت محتاج للفلوس اوى لازم تروح اهه على الاقل يدونى ديكودر ببلاش.
قبل التصوير :
المذيع : جاهز يا جمعاوى.سرحت شعرك؟
انا : تمام يا فندم
المذيع : ما تقلقش انا عاوزك تهدى واوعى تنفعل و تعمللى زى شباب 6 ابريل بتوع الفيس بوك دول انا عارف انك عاقل.احنا مش عايزين نزعل حد مننا.
انا : ماتقلقش حضرتك انا فاهم حساسية الموقف . -بس بينى وبينكم انا نفسى استغل الموقف واشوط فى اللى بالى بالكم اللى واكلين البلد.
- التصوير:
المذيع : أهلا بيكم مشاهدينا و حلقة جديدة من برنامجكم .... ومعانا النهاردة جمعاوى واحد من خيرة شباب الجامعة هنتكلم معاه فى كل الحاجات اللى مدايقة الشباب خاصة اليومين دول . ومستنين حضاراتكم تشاركونا بالاتصالات الهاتفية وكمان فى الفوتينج voting اللى عاملينه
وتجاوبوا على سؤال حلقة النهاردة "امتى تتوقع ان مشكلة البطالة هتتحل ؟ " الاختيارات
1 - فى نهاية البرنامج 2 - فى منتصف منتصف البرنامج 3- بعد الفاصل.
المذيع : ده كان السؤال و نبدأ الحلقة ونسأل جمعاوى انت بتحب مصر ليه ؟
جمعاوى: حضرتك بتكلمنى انا .
المذيع : هاهاها طبعا بكلمك .
جمعاوى: معلش يمكن ماسمعتش كويس زى ما أكون سمعتك بتقول بتحب مصر ؟
المذيع :تمام ممكن تقولنا ليه .
جمعاوى:من غير ليه . الحاجات دى مافيهاش ليه . حب البلد ده اعظم حاجة فى حياة اى واحد . دى هيا اللى شالت وهى اللى علمت وربت وكبرت و غسلت و نضفت ...
المذيع مقاطعا : ربت ايه وكبرت ايه انا بكلمك عن مصر .
جمعاوى :ما انا هقولك كل اللى انت عايزه شوف يا سيدى. اولا شالت :من حاياتنا كل حاجة حلوة وما سابتلناش غير الهم ووجع القلب.
وكمان هى اللى عللّمت : علمتنا نخون الحبايب و نبيع كل غالى المهم مصلحتنا الشخصية وكل واحد يفكر بس فى نفسه.
هى اللى ربت : ربت جوانا الخوف و الكسرة اللى مالوا قلوبنا
هى اللى كبرت : كبرت اليأس فى عنينا و ف منامنا الحلم بقى صعب علينا وهى اللى....
المذيع مقاطعا: وو فاصل ونرجع تانى ارجوكم أ بقوا معنا .
--فى الفاصل :-
الواد ده مين اللى باعته فين الناس بتوع الاعداد انتوا جايبينلى الاستاذ الملاوانى الجديد ولا ايه . الولد ده لو ماتعدلش الحلقة دى ممكن تقعدنا كلنا فى بيوتنا .
كل الكلام ده سمعته من داخل الاستوديو بعد ما سبنى المذيع قاعد وقام هو متنارفز بعد ما سمع الكلمتين اللى انا قولتهم.
وفجأة لاقيت المذيع داخل عليا وهو هادى خالص و كأن شيئاً لم يكن. بس معاه مشروب لونه غريب اوى وقالى بالراحة اشرب يا جمعاوى : اشرب اشرب
انا قولت بلاش ادايق الراجل اكتر من كده و شربت العصير و كملنا بس حسيت بعد ما شربت العصير انى عامل دماغ عالية اوى و زى ما يكون فى دخان طالع من ودانى
مع ان نصى التحتانى سقعان اوى و صوابع رجلى منملة و عنيا مزغللة .
بعد الفاصل :-

المذيع : رجعنا تانى ونكمل كلامنا ونسأل جمعاوى هل تشعر ان مشكلة البطالة فى مصر اصبحت ملحوظة ؟
جمعاوي : يا راجل لالا دى لا ملحوظة ولا حاجة دى مجرد حالات فردية او تقدر تقول متخلف عقلى طلع اشاعة و احنا شعب بيحب الأشاعات وال ...انت فاهم بقى ... طب ده انا اعرف واحد اشتغل قبل ما يتخرج بتلات سنين ومن غير واسطة حتى. يا راجل ده كله كلام فارغ
وهى الحكومة ياعنى هتسيب الناس من غير لا شغله ولا مشغله ده احنا 80 مليون واحد. على 40 وزيربس معقولة كل وزير يبقى مسؤل
عن 2 مليون واحد و يسيب بقية الناس قاعدة من لا شغل ولا مشغلة .
الناس دى بتفكر ازاى بس.
الزغللة بتزيد و التنميل بيزيد و سامع المزيع بيقول عال اوى كده احنا بقى نقدم العصير ده لكل الناس اللى مدايقين الحكومة ونريح ونرتاح..
علية العوض ومنه العوض جمعاوى اتاخد غدر يا رجالة...

دكتوووووور اوزى